Book Details
Download إلي البنت اللي غاوية فراق by Mohammed Fathy from the largest online bookstore of Arabic books

إلي البنت اللي غاوية فراق By Mohammed Fathy From Kotobi

Only available on mobile phones and tablets with iOS and Android systems – Not available now for laptops and computers

Short synopsis about book إلي البنت اللي غاوية فراق By Mohammed Fathy

عن إنك تحس إنك أقرب واحد لنفسك في دايرة نُص قُطرها نُص قُطر العالم.
الوِحدة عمرها ما كانت اختيار، الوِحدة غالبًا بتكون أثر جانبي لجرعة زايدة من الفراق .
دايمًا بندعي إن ربنا يرزقنا بالشخص الصح اللي ييجي بطعم آخرِة الصبر ونكهة مبلغ الأمل، لكن بننسى ندعي إنه ييجي في الوقت الصح ..الوقت الصح دا هو كل الحكاية.
السنين بقت أسرع من البرق والعمر بقى أقصر من لحظة مناهدة أو محاولة تأقلُم .
عمري ما خُفت م اللي بيكرهوني، اللي بيكرهوني أنا دايمًا مُستعد لهم، لكن تملي باخاف م اللي باحبهُم، ضربتهُم بتبقى أصعب ومسافتها أقرب وغير متوقَعة ومُوجِعة لأقصى حد وقد تكون مُميتة، أخاف يتخلوا عني ف وسط الطريق، وأخاف مكانتي ف قلبهم تتغير، باخاف قوي تملي م اللي باحبهم، أقل فعل منهم بيوجع
وأبسط كلمة منهم بتسيب أثر ما بيتمحيش.
الديوان دا ..
لكل الناس اللي قررت تهرب م الألم بالنوم، وتهرب م الواقع بتمرير الوقت .
للناس المُصابين بنقمة الإحساس ولعنة التفاصيل .
للناس اللي فقدوا الشغَف واعتزلوا الجدال وتجنبوا التبرير .
للناس اللي ما عرفوش يهربوا من فخ التعلُّق ولا عرفوا يتخلصوا من لعنة الاعتياد .
للناس اللي جُواهُم وجع أكبر من إن حد يحتويه وأخطر من إنه يتساب دون احتواء .
للناس اللي الذكريات بتطاردهم آخر الليل في شكل تغميضة عين ودمعة مش نازلة ونغزة في القلب .
للناس اللي عايشين يتعاطوا الصبر والانتظار .
للناس اللي أخدوا نصيبهُم م الألم ف شكل فراق، وأخدوا نصيبهُم م الابتلاء ف شكل بني آدمين.
للناس اللي شبهي.
محمد فتحي.

Related Books